Hamzah Kamal
اهلاً بك في منتديات المدرب حمزة كمال
تبين لنا انك غير مسجل في المنتدى
نرحب بك كعضو فعال في منتداك

سجل في المنتدى لتحصل على العديد من المميزات الخاصة بالأعضاء

التعارف قبل الزواج .. هل يسهم بنجاحه ؟

صفحة 1 من اصل 4 1, 2, 3, 4  الصفحة التالية

استعرض الموضوع السابق استعرض الموضوع التالي اذهب الى الأسفل

التعارف قبل الزواج .. هل يسهم بنجاحه ؟

مُساهمة من طرف Tania Shami في الثلاثاء 15 يوليو 2008, 2:07 pm

شباب وصبايا ... هاد الموضوع انا كاتبتو مشان كتابي الي عمبشتغل عليه .. وحبيت اني اشارك فيه واخد ارائكم بالموضوع ..

يعتبر الزواج الخلية الاساسية لبناء المجتمع بل هو النواة الرئيسية فيه لانه سيؤدي الى تشكيل الاسرة التي ستقوم بوظائق وادوار اقتصادية ، اجتماعية ، تثقيفية وتربوية مهمة في المجتمع .

ان النجاح والفشل في الزواج امر نسبي ومتقلب لكن قواعده ثابتة. فما يراه البعض ناجح قد يكون فاشل من وجهة نظر الاخرين، فجميع الزيجات تمر بمسارات مشحونة بالعوائق ، لكن الى اي مدى يسهم التعارف قبل الزواج على تخطي هذه العوائق والعمل على استمرارية الزواج ونجاحه؟

نرى ان هنالك وجهتا نظر في هذا الموضوع ، فهنالك من يؤيد فكرة التعارف قبل الزواج بمعنى ان تكون العلاقة تحت رقابة الاهل اي بمعنى الخطوبة، وهي الفترة التي يجب ان يتعرف الطرفين فيها على بعضهما وطباعهما ، ولكن تحت رقابة الاهل الذين وافقوا على دخول هذا الرجل للمنزل، وبالتالي فهم واثقون من اخلاقه ودينه وعائلته . والقرار الاخير يبقى للفتاة وموافقتها عليه وراحتها النفسية تجاهه.

لذلك برأيهم يجب ان يتم التعارف السليم بين الشخصين خلال فترة الارتباط الرسمي بينهما ، وهي الطريقة المثلى والاصح لنجاح علاقتهما على المدى الطويل وذلك بحكم العادات والتقاليد والدين .

اما وجهة النظر الاخرى ، فهي مغايرة للاولى وتؤكد على ان التعارف قبل الزواج - وقبل الارتباط الرسمي - يسهم بنجاحه كونه يعطي فرصة لكلا الطرفين للتعرف غلى بعضهما البعض و طريقة تفكيرهما ومعرفة الامور المشتركة فيما بينهما وتخطي خلافات عديدة قبل الزواج ، الى جانب حب بعضهما للاخر، وهذه هي الطريقة الصحيحة لضمان استمرار الزواج خاصة في ايامنا هذه التي تتميز بالانفتاح الزائد عن حده في بعض الحالات. وان الطرق التقليدية لم تعد اليوم من الاسس السليمة لبناء اسرة سعيدة ..

وبالنسبة للخلافات فهي حتما ستحدث وذلك لاختلاف التربية والتنشئة داخل كل بيت ، ولكن السؤال هنا كيفية حلها بعد الزواج وكيف يتجاوزها الطرفان بعقلانية وتفهم ليضمنوا استمرار زواجهم وبنفس الوقت يكونون سعداء .

اما بالنسبة لفشل الزواج حتى وان كان عن تعارف فهذا بالتأكيد سببه ادعاء وتمثيل احدهما على الاخر الى جانب عدم وجود تخطيط مستقبلي فيما بينهما ، لذلك يجب ان تكون المعرفة عميقة للطرف الاخر وليست سطحية .

وبالنسبة لي فانا من انصار وجهة النظر هذه ، فانا ارى ان مسألة التعارف قبل الزواج مهمة جدا لضمان زواج ناجح وسعيد في نفس الوقت. وبنظري فان النضج الاجتماعي والفكري والنفسي هي اهم الاسس الواجب توافرها لزواج ناجح ، بالاضافة الى الرغبة والقدرة على تحمل مسؤوليات الزواج ، والاهم من ذلك الصدق والصراحة بدون تجميل الصورة والادعاء، وان يكون التعارف بمعنى اكتشاف الاخر بايجابياته وسلبياته وعدم الاستعجال في الاقبال على الزواج.

اما بالنسبة للزواج بالطرق التقليدية فهو لم يعد ينتمي الى هذا العصر ، و صحيح ان ابائنا تزوجوا بهذه الطريقة لكن ذلك بسبب عدم وجود البديل وعلى الرغم من ان هذا الزواج مستمر حتى الان لكنه ليس بالضرورة سعيدا والدليل تعدد الزوجات ووجود حالات الطلاق وهذا بالتأكيد يعود الى اختلاف المعايير والشروط للقبول .

ويبقى ان نقول اننا لا نستطيع ان نحكم على فشل الزواج او نجاحه سواء كان عن طريق الاهل او بالتعارف، فذلك يعتمد على طبيعة وخلق الطرفين ومدى انسجامهم الفكري والنفسي . فهنالك العديد من الزيجات الناجحة والفاشلة في كل اسلوب .
avatar
Tania Shami
مبتدئ
مبتدئ

انثى عدد الرسائل : 83
العمر : 31
السٌّمعَة : 0
نقاط : 3480
تاريخ التسجيل : 29/06/2008

الرجوع الى أعلى الصفحة اذهب الى الأسفل

رد: التعارف قبل الزواج .. هل يسهم بنجاحه ؟

مُساهمة من طرف hadeel kalbouneh في الثلاثاء 15 يوليو 2008, 4:29 pm

موضوع حلو يا ديانا و كتير بسير حوله نقاشات
و طريقتك بالكتابة حلوه Smile
بس انا ما فهمت مين الزواج التقليدي فيهم ؟؟يعني الاول خطوبة يعني عم بسير فيها
تعارف بشكل رسمي او بالاحرى شرعي
والتانيه بكون فيها تعارف كمان,,, بس مش بشكل رسمي
يعني التنين تعارف فيهم بس الفرق بشي واحد
هلا مدام التنين بأدو لنفس النتيجة فليش الواحد ما يختار الشي الصح ؟؟
انا بستغرب دايما عنا الحل لامورنا بالدين ؟؟ليش بنلجأ لغيره؟؟
ليش بس بنفكر على المدى القصير؟ شو بالنسبة للاخرة؟
مع انو دينا بعطينا الشي الكويس للدنيا و الاخرة؟
وهلا ازاكان قصدك على الاول انه تقليدي فغريبة كيف النا ماشين على التقليد الي هو (الدين) اكتر من 1400 سنة اللي هو لكل زمان و مكان ؟ بس يمكن صار خلط بين التقليد و الدين؟
و صرنا ننسى انوعم نعمل هيك عشان الله مش عشان التقاليد؟
و بالاخر كل شي بالاحلال الله ببرك فيهSmile
اسفة طولت بس هاد الموضوع بحمس على الحكي Smile
و ان شاء الله اني اكون فهمت صح
study
avatar
hadeel kalbouneh
نشيط
نشيط

انثى عدد الرسائل : 263
العمر : 30
السٌّمعَة : 0
نقاط : 3440
تاريخ التسجيل : 19/06/2008

الرجوع الى أعلى الصفحة اذهب الى الأسفل

رد: التعارف قبل الزواج .. هل يسهم بنجاحه ؟

مُساهمة من طرف Tania Shami في الثلاثاء 15 يوليو 2008, 5:36 pm

بتشكرك هديل على رايك واكيد بحترمو ..
اما لسؤالك فانا قلت انو هناك من يؤيد التعارف الي بيقصدو فيه الخطبة الرسمية وهون بكون زواج تقليدي لانو ما بلشو يعرفو بعض الا لما ارتبطو . وانا ما بأيد هالتعارف لانو حيتدخل الكل بيناتهم .. اهلها واهله والكل .. " وانا ضد التدخل نهائي الا في الحالات الطارئة والطارئة جدا " وبصيرو مش عارفين شو يعملو متل ما بدهم او على راي الاهل وبشوف انو صعب كل طرف يكون فكرة واضحة وصحيحة عن الاخر لانو بكون عمبيتأثر بلي حوليه ..
اما اذا كانت العائلات منفتحة شوي وتركو المجال للبنت والشب يخططو ويبنو مستقبلهم لحالهم فهاد شي منيح والمفروض .. بس ما منلاقي متلو كتير ..
مشان هيك انا بفضل التعارف بين الشب والبنت قبل الارتباط الرسمي .. في فرصة اكبر انهم بفهمو بعض .. و مشان قصة الدين .. نحن ما عمنتعدا حدود الدين .. نحن منفترض انو الشب والبنت بكونو ناضجين وواعين و علاقتهم عادية ما فيها امور ممنوعة . واللي بخاف ربو ما بينخاف منو
و بالنهاية كل واحد الو رأيو وطريقة تفكيرو ونظرتو للامور ..
avatar
Tania Shami
مبتدئ
مبتدئ

انثى عدد الرسائل : 83
العمر : 31
السٌّمعَة : 0
نقاط : 3480
تاريخ التسجيل : 29/06/2008

الرجوع الى أعلى الصفحة اذهب الى الأسفل

رد: التعارف قبل الزواج .. هل يسهم بنجاحه ؟

مُساهمة من طرف hadeel kalbouneh في الثلاثاء 15 يوليو 2008, 6:44 pm

انا كمان بحترم وجهة نظرك Smile
بس بالدين ما في ناضج و مش ناضج في حرام و حلال وما في امورعادية وما في حرام شوي و حرام كتير Smile
حتى النظرة: الاولى لك و الثانية عليك ..محاسبين عليها ولا تنسي نحنا مخلوقين ليش؟
وفي كمان انو الشيطان
لما بكون موجود بوسوس للناضج و المش ناضج
واكيد الي بخاف ربو ما بنخاف منه بس ماحدا ضامن حاله صح ازا الشيطان وسوس لسيدنا ادم و نزلو من الجنة نحنا كيف بدنا نضمن حالنا Question
ولنفرض انو تعارفنا قبل العلاقة الرسمية وما زبط ورجعنا تعرفنا على ناس جداد والي
بعدو... مين برضاها؟؟
وبعدين التدخل ما بقتنع فيها لانو الي بسمح لغيرو يتدخل بالطريقة الغلط باي شي رح يأثر عليه التدخل باي حال من الاحوال..واقلك شغله انسينا من الدين و فكري بالمنطق بالاخر بنفس المصب Smile يعني انا قبل ما كنت امشي على الدين كنت هيك بفكر ولا سمح الله لو رح مني الدين ما رح تروح هيك اشياء لأنو بالمنطق هيك زابطة

و بالاخر (اللهم ارنا الحق حقا وارزقنا اتباعا وارناالباطل باطلا وارزقنا اجتنابا)
وشكرا الك Smile
avatar
hadeel kalbouneh
نشيط
نشيط

انثى عدد الرسائل : 263
العمر : 30
السٌّمعَة : 0
نقاط : 3440
تاريخ التسجيل : 19/06/2008

الرجوع الى أعلى الصفحة اذهب الى الأسفل

رد: التعارف قبل الزواج .. هل يسهم بنجاحه ؟

مُساهمة من طرف hadeel kalbouneh في الثلاثاء 15 يوليو 2008, 7:00 pm

اسفة حكيت كتير بس بدي اسأل كمان سؤال
هلأ كيف بتقدري تكتشفيي الناضج من الي لا غير بعد ما تتعرفي عليها؟
و ازا طلع لا بتكوني تورطي و بعدين؟؟شو الحل؟؟ ممكن اولها يبين ناضج بس
Very Happy
avatar
hadeel kalbouneh
نشيط
نشيط

انثى عدد الرسائل : 263
العمر : 30
السٌّمعَة : 0
نقاط : 3440
تاريخ التسجيل : 19/06/2008

الرجوع الى أعلى الصفحة اذهب الى الأسفل

رد: التعارف قبل الزواج .. هل يسهم بنجاحه ؟

مُساهمة من طرف Tania Shami في الأربعاء 16 يوليو 2008, 12:40 am

انا اسفة هديل بس انت عمبتحكي عن الحرام والحلال بهالموضوع .. وانو ما في شوي و كتير .. انا معك و كلامك صح .. ويا ترى بالمواضيع الباقية شو ؟؟
ولا... بشي مندخل الحلال والحرام وباشياء لا ..
انا ما قصدي عن شي معين .. بس انو اي موضوع تاني ..
ومشان سؤالك عن النضج فببين من الكلام والتصرفات و طريقة التفكير .. و بالاخر بترجع للبنت .. اغلب الشباب تفكيرهم واحد بس الشطارة عالبنت هي بتفرض احترمها وبتعرف كيف تتعامل مع الشب . وانا قلت اغلب مش كل ..
avatar
Tania Shami
مبتدئ
مبتدئ

انثى عدد الرسائل : 83
العمر : 31
السٌّمعَة : 0
نقاط : 3480
تاريخ التسجيل : 29/06/2008

الرجوع الى أعلى الصفحة اذهب الى الأسفل

رد: التعارف قبل الزواج .. هل يسهم بنجاحه ؟

مُساهمة من طرف hadeel kalbouneh في الأربعاء 16 يوليو 2008, 3:07 am

تانيا ما فهمت شو الموضيع التانية؟؟؟؟؟
متل شو الموضيع التانية؟
avatar
hadeel kalbouneh
نشيط
نشيط

انثى عدد الرسائل : 263
العمر : 30
السٌّمعَة : 0
نقاط : 3440
تاريخ التسجيل : 19/06/2008

الرجوع الى أعلى الصفحة اذهب الى الأسفل

رد: التعارف قبل الزواج .. هل يسهم بنجاحه ؟

مُساهمة من طرف KEMOO في الخميس 17 يوليو 2008, 4:24 am

انا بجاوب على السؤال
شي اكيد بسهم بنجاحه من غير ليش
avatar
KEMOO
مبتدئ
مبتدئ

ذكر عدد الرسائل : 39
العمر : 30
السٌّمعَة : 0
نقاط : 3527
تاريخ التسجيل : 26/03/2008

الرجوع الى أعلى الصفحة اذهب الى الأسفل

رد: التعارف قبل الزواج .. هل يسهم بنجاحه ؟

مُساهمة من طرف Tania Shami في الخميس 17 يوليو 2008, 1:33 pm

برافو عليك كيمو... اجابة صحيحة
الك نجمة ...ههههههههه
avatar
Tania Shami
مبتدئ
مبتدئ

انثى عدد الرسائل : 83
العمر : 31
السٌّمعَة : 0
نقاط : 3480
تاريخ التسجيل : 29/06/2008

الرجوع الى أعلى الصفحة اذهب الى الأسفل

رد: التعارف قبل الزواج .. هل يسهم بنجاحه ؟

مُساهمة من طرف KEMOO في الجمعة 18 يوليو 2008, 6:01 am

شكرا مس tania
زيديلي علامتين ....ههههههههههه
avatar
KEMOO
مبتدئ
مبتدئ

ذكر عدد الرسائل : 39
العمر : 30
السٌّمعَة : 0
نقاط : 3527
تاريخ التسجيل : 26/03/2008

الرجوع الى أعلى الصفحة اذهب الى الأسفل

رد: التعارف قبل الزواج .. هل يسهم بنجاحه ؟

مُساهمة من طرف noor abu jaber في الجمعة 18 يوليو 2008, 5:08 pm

بدي اعلق على الموضوع مع إني متأخره اشوي ...
شكرا تانيا على الموضوع .. و هادا الموضوع كتيييير كتير بصير نقاش عليه ...
بصراحة انا مع هديل .. و بالأصح مع ديننا ... إلي ما بصير موضه قديمة مع الزمن ...
أول شي عشان الحلال و الحرام و هادا أهم إشي ... لأنو الله ما برضه بعلاقة مافي اساس للدين فيها .. بعدين إزا هادي العلاقة إطورت للزواج الله ما بباركلهم فيها .. إزا مش بالأول لبعدين .. يمكن بأولادهم ..
ثانيا ما إسمعت عن حدا كان متعرف على حدا من غير خطوبة يعني الحالة الاولى إلي كتباها .. كانت نهايتها طلاق .. و نسب قليلة كتير ما صار هاك ... وهادا الحكي مش من عندي .. هادا من واقع عايشينوا و قصص ابنسمعها ...

بصراحة مافي اشي احلى من الحلال و الواحد يمشي بالنور .. الواحد يعمل خطوبه و يتعرفوا زي ما بدهوم ما حد رح يغصب حد على إشي ..زي ما بحكي المثل زي ما دخلنا بالمعروف نخرج بالمعروف Smile

و كمان في اشي .. مين حكى انو الزواج بالطريقة التقليدية ما بخلي البنت و الشب يخططوا حياتهم بالطريقة إلي بدهم إياها ....
avatar
noor abu jaber
مبتدئ
مبتدئ

انثى عدد الرسائل : 66
العمر : 30
السٌّمعَة : 1
نقاط : 3440
تاريخ التسجيل : 20/06/2008

الرجوع الى أعلى الصفحة اذهب الى الأسفل

رد: التعارف قبل الزواج .. هل يسهم بنجاحه ؟

مُساهمة من طرف hadeel kalbouneh في السبت 19 يوليو 2008, 1:33 am

تانيا انا لسه عم بستنا تقوليلي شو المواضيع التانية؟؟؟ Very Happy
و على كل الاحوال لما احكي على الحرام و الحلال ما في امور بنحرمها و بنحللها
عشان تزبط معنا و نحنا لما بنحكم على شي انو حرام مش بشكل عشوائي
و بالنسبة الي كل شي بدخل فيه الحرام والحلال و ما بحكي او بالاحرى ما بحكم على شي الا عن يقين مش على الاهواء,,,و الله يا رب يقدرنا جميعا نكون زي ما بده ربنا وين مكان و بكل الاوقات و لحد ما نموت ويثبتنا على الصح
و اخر شي بدي اهديكي هاد الحديث للرسول
قال صلى الله عليه وسلم: ( من سن في الإسلام سنة حسنة كان له أجرها وأجر من عمل بها من بعده لا ينقص ذلك من أجورهم شيئاً ومن سن في الإسلام سنة سيئة كان عليه وزرها ووزر من عمل بها من بعده لا ينقص من أوزارهم شيئاً) اخرجه مسلم في صحيحه .
وشكرا Smile
avatar
hadeel kalbouneh
نشيط
نشيط

انثى عدد الرسائل : 263
العمر : 30
السٌّمعَة : 0
نقاط : 3440
تاريخ التسجيل : 19/06/2008

الرجوع الى أعلى الصفحة اذهب الى الأسفل

رد: التعارف قبل الزواج .. هل يسهم بنجاحه ؟

مُساهمة من طرف Tania Shami في السبت 19 يوليو 2008, 4:14 pm

بتشكركم هديل ونور على الرد ..
وانا بتقبل الراي الاخر ...
وقصدت بالمواضيع التانية كل الامور الي منعملها بحياتنا ...
انتو اخدتو الموضوع من جهة حرام وحلال والدين ما بيسمح .. طيب والسنما والتلفزيون والاغاني والطلعات ومخالطة الشباب واعياد الميلاد و.. الخ من الامور الي منعملها .. مش هاي الامور وغيرها منهي عنها او محرمة ؟؟؟ ولا مناخد من الدين الي بدنا اياه ومنقول ما بدنا نقرب عالحرام .. " وما تفكرو هاد اتهام لحدا ..انا عمبحكي بصيغة النحن " قلت الامور الي منعملها . ما حدا ياخد الموضوع شخصي ..انا بناقش فكرة .
يمكن صح التعارف غير الرسمي غلط ومحرم بس ربنا ليش حرمو لانو ممكن يصير من وراه فتنة او مفسدة او ضرر .. بس اذا كان الانسان على قدر من الوعي والنضج ومخافة ربنا ما رح يوصل للفتنة الي ربنا حرم الاختلاط من وراها .. يعني سبب التحريم ما تحقق .. وقتها ممكن يكون الموضوع مكروه لتفادي الوقوع في الخطأ والمعصية..
انا ما بفتي بالموضوع ولا بحللو .. بس انا بوضحح انو ربنا حرم الامور التي تؤدي الى المضرة وعلى قاعدة " لا ضرر ولا ضرار "
متلها متل الخمر ربنا حرمو لانو بيذهب العقل و بأدي الى ضرر النفس والجسد .. بس في حالات ضرورية بيسمحلنا انو نشربو لدرء المشقة والتيسير على الناس .. وقتها اذا شربنا كمية قليلة منو لسبب ما ضروري بصير مكروه ..
بالنهاية ... كل واحد الو تفكيرو والو رأيو والانسان بيتحاسب على عمله ...
بتمنى ما حدا ياخد الموضوع بحساسية .. انا حاولت اشرح وجهة نظري .. واظن في كتير بوافقوني واكتر يمكن بخالفوني ..
avatar
Tania Shami
مبتدئ
مبتدئ

انثى عدد الرسائل : 83
العمر : 31
السٌّمعَة : 0
نقاط : 3480
تاريخ التسجيل : 29/06/2008

الرجوع الى أعلى الصفحة اذهب الى الأسفل

رد: التعارف قبل الزواج .. هل يسهم بنجاحه ؟

مُساهمة من طرف hadeel kalbouneh في السبت 19 يوليو 2008, 7:55 pm

Smile مستمتعين بالنقاش معك تانياSmile
و صح كلامك في اشياء كتير بنعملها و هي بتكون حرام بس عارفين انو غلط
و بحاول الواحد قد ما بيقدر انو يتجنبها بس ما بنقول صح ؟؟
وعلى لا ضرر ولا ضرار و الضرورات تبيح المحظورات كمان بس بنظري ما في ضرورة بهاد الموضوع لأنو في بديل Winkصح !!!
وبعدين في هاد الشي طبعا بأدي الى مضرة
و بعدين زي ما قلتلك الشيطانلما بدو يوسوس ما بفرق عنده بستغل اي لحظة ضعف عند الواعي و عند المش واعي بس ما بقدر الشيطان على ناس وحيدين همهالي ايمانهم ودينهم قوي وهدول الناس ما برضو اصلا ازا كانو صح ماشين بهيك تعارف و ما تنسي انو:ماخلى رجل بامراة الا كان الشيطان ثالثهما.
ولو كان هاد الحكي صح كان الاختلاط بكون حلال بتعرفي ليش عشان الواحد عبين ليلاقي واحد واعي ناضج !!!ولا ازا مش هيك كيف العملية بدها تم؟
واكيد لما تحرم هاد الشي في مليون فائدة من ورا ازا عندك وقت بعطيكي التحليلSmile مش على مستوى الفرد بس على كل المستويات
و زي ما قلتي كل حدا له تفكيره و بتحاسب على عمله
و بنفس الوقت في شي اسمو الامر بالمعرف و .......
و جد جد مستمتعةانا بالنقاش و مش ماخدة الامور بحساسية بس يمكن بتحمس شوي كتير Smile فببين هيك
lol!
avatar
hadeel kalbouneh
نشيط
نشيط

انثى عدد الرسائل : 263
العمر : 30
السٌّمعَة : 0
نقاط : 3440
تاريخ التسجيل : 19/06/2008

الرجوع الى أعلى الصفحة اذهب الى الأسفل

رد: التعارف قبل الزواج .. هل يسهم بنجاحه ؟

مُساهمة من طرف hadeel kalbouneh في السبت 19 يوليو 2008, 7:57 pm

اكم حرف واو في بالموضوع lol!
avatar
hadeel kalbouneh
نشيط
نشيط

انثى عدد الرسائل : 263
العمر : 30
السٌّمعَة : 0
نقاط : 3440
تاريخ التسجيل : 19/06/2008

الرجوع الى أعلى الصفحة اذهب الى الأسفل

رد: التعارف قبل الزواج .. هل يسهم بنجاحه ؟

مُساهمة من طرف Tania Shami في الإثنين 21 يوليو 2008, 1:57 pm

معك حق هديل .. وهاي وجهات نظر ..
وانا كمان مستمتعة بالنقاش معك .. بس انا بقول ناخد هدنة .. لانو كل واحد متمسك برأيو و النقاش هيك رح يطول ..
avatar
Tania Shami
مبتدئ
مبتدئ

انثى عدد الرسائل : 83
العمر : 31
السٌّمعَة : 0
نقاط : 3480
تاريخ التسجيل : 29/06/2008

الرجوع الى أعلى الصفحة اذهب الى الأسفل

رد: التعارف قبل الزواج .. هل يسهم بنجاحه ؟

مُساهمة من طرف KEMOO في الإثنين 21 يوليو 2008, 6:37 pm

sho el 5ooof ele nazl 3lekom hl yomeeen
y3ne ma 7d a8n3 el tane
l2 l2 l2 ma bzbo6 hek (lazem tow9lo l7l

msh tfhmone ghalat ana msh 3mmale bhwe 3ala etla8
o zy ma b2oool daymn
e7na gayeeen nhde el nfoooos ya gama3a
hhhhhhhhhhhhhhh
avatar
KEMOO
مبتدئ
مبتدئ

ذكر عدد الرسائل : 39
العمر : 30
السٌّمعَة : 0
نقاط : 3527
تاريخ التسجيل : 26/03/2008

الرجوع الى أعلى الصفحة اذهب الى الأسفل

رد: التعارف قبل الزواج .. هل يسهم بنجاحه ؟

مُساهمة من طرف Tania Shami في الإثنين 21 يوليو 2008, 6:49 pm

اكيد كيمو . نحن عارفين .. انت سفير النوايا الحسنة
يعني لو ما انت معنا ما بعرف شو عملنا
avatar
Tania Shami
مبتدئ
مبتدئ

انثى عدد الرسائل : 83
العمر : 31
السٌّمعَة : 0
نقاط : 3480
تاريخ التسجيل : 29/06/2008

الرجوع الى أعلى الصفحة اذهب الى الأسفل

رد: التعارف قبل الزواج .. هل يسهم بنجاحه ؟

مُساهمة من طرف KEMOO في الإثنين 21 يوليو 2008, 6:51 pm

shfte eno nete daymn 9afyeh
d22e 3ala dayman
hhhhhhhhhh
avatar
KEMOO
مبتدئ
مبتدئ

ذكر عدد الرسائل : 39
العمر : 30
السٌّمعَة : 0
نقاط : 3527
تاريخ التسجيل : 26/03/2008

الرجوع الى أعلى الصفحة اذهب الى الأسفل

رد: التعارف قبل الزواج .. هل يسهم بنجاحه ؟

مُساهمة من طرف Hamzah Kamal في الإثنين 21 يوليو 2008, 8:07 pm

كيمو انت اطلع منها و مل شي بسير منيح و بزبط lol!

بس جد النقاش كتيير حلو
انا كتير مستمتع بوجهات النظر اللي بقرأها من الطرفين

_________________
إما ان تكون أو لا تكون...
إذاً أنت المسؤول...
avatar
Hamzah Kamal
كاتب وباحث في العلاقات الإنسانية
كاتب وباحث في العلاقات الإنسانية

ذكر عدد الرسائل : 470
الموقع : www.facebook.com/trainerhamzah
السٌّمعَة : 9
نقاط : 4708
تاريخ التسجيل : 05/04/2008

الرجوع الى أعلى الصفحة اذهب الى الأسفل

رد: التعارف قبل الزواج .. هل يسهم بنجاحه ؟

مُساهمة من طرف hadeel kalbouneh في الثلاثاء 22 يوليو 2008, 5:40 am

انا مستعدة اقتنع Smileبس اقنعيني وازا بدك هدنة مش غلط
بس في شغلةانو جد الواحد لازم يطلع علي عنده ويجربو بعدين يدور على بدائل Wink
وبعدين ما حدا يحاول يوقع بينا لاننا اول على اخر انا و تانيا ننتمي لنفس الحزب lol!
و نحنا متفاهمين لانو قمة التفاهم هي النقاش
avatar
hadeel kalbouneh
نشيط
نشيط

انثى عدد الرسائل : 263
العمر : 30
السٌّمعَة : 0
نقاط : 3440
تاريخ التسجيل : 19/06/2008

الرجوع الى أعلى الصفحة اذهب الى الأسفل

رد: التعارف قبل الزواج .. هل يسهم بنجاحه ؟

مُساهمة من طرف Tania Shami في الثلاثاء 22 يوليو 2008, 5:50 pm

اكيد يا هديل نحن حزب واحد ...والاختلاف لا يفسد الود قضية ..
انتي حكيتي انو الواحد لازم يطلع علي عنده ويجربو بعدين يدور على بدائل .... حلو كتير .. يعني انتي متفقة معي انو التجربة خير برهان وانو البدائل دائمة متاحة وفي كل الامور ... واذا لقينا بدائل، ممكن نجربها مشان نختبر صحتها من عدمه ..
وبتعرفني انو الناس مختلفين و بالتالي نتائج تجاربهم مختلفة لاختلاف توجهاتهم وشخصياتهم وردود افعالهم ... بس بالنهاية بيطلع عنا شي اسمو التوجه العام او الصورة العامة .. ومش دايما العام هو الصح .. يمكن يكون في اصح منو بس لانو الناس اجتمعت عليه فصار الراي العام ..
الي بدي اوضحو انو نحن عمنتناقش حول طريقتين للزواج : الطريقة التقليدية وطريقة التعارف المسبق .. واكيد لو مهما تناقشنا ما رح نوصل لان نقول طريقة صح والتانية غلط .. الطريقتين صح ومتبعين .. بس انا اختلافي مع الي بيرفضوا يعترفوا بانها طريقة وممكن ان تكون مثمرة في كتير من الاحيان .. وبديل يمكن اللجوء اليه ..
رح اعطي مثال صغير ... بس مشان اوضح مسألة المخاوف من التعارف وسبب رفضه لانو في مضرة متل ما قالت هديل
لو رجعنا لكم سنة لورا .. ايام التنقل عالحصان مثلا ومرحلة صنع السيارة .. بهاي المرحلة المتداخلة الي ظهر فيها وسيلتين النقل هدول .. لو اختلف تنين على ايهما وسيلة نقل افضل .. رح نشوف انو الي متعود على الحصان رح يقول انو السيارة كوسيلة نقل جديدة ولسى مش منتشرة بشكل واسع وفيها مخاطرة كبيرة والشخص فيها ممكن يتعرض لاي حادث يودي بحياتو .. خلينا عالحصان اءمن وافضل مقارنة مع السيارة ..
صح السيارة رح توصلك اسرع بس كمان مخاطرتها اكبر والكل بالنهاية رح يوصل .. والي منعرفو احسن من الي بدنا نتعرف عليه ... ولانو ما بيعرف يتعامل مع السيارة وعندو مخاوف منها رح يظل على الحصان فترة حتى يوصل لمرحلة يحس انو فعلا لازم يجرب السيارة ... واذا ما حب السيارة اوما اقتنع فيها ما رح يجربها ..
اما الي عرف السيارة وتعلم عليها و جربها وشاف مميزاتها واكيد عرف مواطن الضعف كمان .. رح يقلو انو صح بالوسيلتين رح نوصل بفرق الزمن طبعا .. " ما تنسوا كمان الحصان في حيل وعندو سرعة .. مش لهل درجة بالمرة ..ههه " بس السيارة بتعطيك مميزات بالتنقل انت ما بتعرفها بتنقلك عالحصان .. مثلا فيها راديو ..بتتسلى عالطريق ...
بتعطيك كم كيلومتر مشيت وكم السرعة الي انت عليها .. " معلومات " وهاي الي بتهمنا .. وصحيح انو فيها مخاطر بس اذا الواحد بيعرف يختار السيارة المناسبة الو وبيتعلم كيف يسيطر عليها وبيتعلم كيف يتفادى الخطر بتكون مافي احلى منها .. وكمان الحصان ممكن يكون خطر اذا ما عرفت تتعامل معو .. يمكن وقعة عن ظهرو بسرعة تكسرلك اجرك .. او تعملك شلل ....الخ
بهديك اللحظة كل شخص رح يظل على اختيارو .. لان كل شخص مجرب طريقتو وعاجبتو وما بدو يجرب غيرها لخوف او جهل او عدم مخاطرة ..
هون نحن لو بدنا نحكم على الموضوع رح نقتنع بوجهتي النظر وكل واحد منا رح يغلب طريقة على اخرى حسب ميوله ومخاوفه و تفكيرو ...
والزواج التقليدي والي بيعتمد على التعارف المسبق نفس الشي .. بس نحن متعودين عالتقليدي وشايفينو احسن شي مع انو شايفين حالات الطلاق عالية و تعدد الزوجات الناتج عن سوء اختيار او جبر الاهل وما الى ذلك .. ومنرفض التعارف لانو عمنشوف بس سيئاتو وعمنقول ابعد عن الشر وغنيلو .. مع انو لو انوجد الشخص الصحيح والتعامل الصحيح بكون كتير ناجح .. وانا عمبدافع عن هالفكرة لاني عايشتها ومقتنعة فيها وما عمبتسببلي اي مشاكل وعارفة اني ما عمبعمل شي غلط ولا عمبغصب ربي ...

انا ما بدي حدا يجي يقلي اقتنعت بفكرتك وانها الافضل بس بدي نوصل انو نعترف فيها كطريقة وبديل للتقليدي وما نقول انها سيئة او غلط ومرفوضة .. خلينا نوصل لنقطة اتفاق ...هاد الي بدي اياه ..
بالنهاية كل شي الو سلبياتو وايجابياتو وانا بقول انو التعارف الو سلبيات كتيرة بس هاد ما بيعني انو ما الو ايجابيات .. واذا الواحد عرف يتعامل مع الموضوع رح يحسو كتير طبيعي ..
بتمنى رد كل شخص بيقرا هالموضوع ...
واسفة كتيييييييييييييييييير على الاطالة ...
avatar
Tania Shami
مبتدئ
مبتدئ

انثى عدد الرسائل : 83
العمر : 31
السٌّمعَة : 0
نقاط : 3480
تاريخ التسجيل : 29/06/2008

الرجوع الى أعلى الصفحة اذهب الى الأسفل

رد: التعارف قبل الزواج .. هل يسهم بنجاحه ؟

مُساهمة من طرف همس الربيع في الثلاثاء 22 يوليو 2008, 8:13 pm

تانيا
عنجد انتي مبدعة
وكمان انتي وكلامك روووووعة
عنجد زي ما بيحكوها بالخليجي "صح لسانك"
lol!
avatar
همس الربيع
نشيط جداً
نشيط جداً

انثى عدد الرسائل : 322
العمر : 25
السٌّمعَة : 1
نقاط : 3561
تاريخ التسجيل : 28/03/2008

الرجوع الى أعلى الصفحة اذهب الى الأسفل

رد: التعارف قبل الزواج .. هل يسهم بنجاحه ؟

مُساهمة من طرف hadeel kalbouneh في الثلاثاء 22 يوليو 2008, 8:52 pm

اكيد تانيا التجربة خير برهان بس نحنا اصلا مو مجربين الي عنا بالطريقة الصح يعني شو اللي صاير عنا و الي مسبب كل المشاكل زي ما قلت قبل الخلط بين الدين و التقاليد ..
صرنا ناخد شو ما بدنا و نقيم شو ما بدنا عأساس هدول عادات و تقاليد مع انه دينا مرن مثلا عندك القاعدة الفقهية انو العادة محكمة يعني الشي الي اعتاد عليه الناس ممكن يحكمو على اساسه بس من غير ما يمسوا بالتشريعات الاساسية..
بس نحنا وللاسف عم نقيم شي و نحط شي على كيفنا لانا نسينا انه ما بحقلنا ..
و شكراعلى المثال بس بنظري لاينطبق على الموضوع بتعرفي ليش لأنك الاعلى كأنك عم بتقارني اشيين يختلفو تماما يعني لأنه الزواج الشرعي (التقليدي )
جاي من عند المشرع الي هو الله الي هو كامل وكل شي من عنده كامل
و لو يتتطلعي على هالكون بتفكّر و بتشوفي التناسق والتناغم بين الاشياء الي بتشبه بعضها والي بتختلف و الماشيه بنفس المسار و المتعاكسة نفس الانسان الي مبصرة و عندها بصيرة بتقول (مستحيل) يكون في شي مشرع من عند الله و يكون مش زابط على زمنا بس زمان زبط او هاد المكان لا و بهداك اه..
بس ازا ما زبط شي فبكون الغلط من الانسان مش من التشريع
و الزواج لا يتقارن بتجربة الانسان على السيارة او الحصان
و بدي اقلك عن الزواج شغلة مهمة كتير عم بنسوها الناس و بعتقدوا فشل زواجهم سببه
الزواج التقليدي(الدين)
اولا في شي انه بيجي الشب بيخطب هالبنت فالله شو كرم هالانسان و اعطاه: صلاة الاستخارة وقله خد مشورتي وتوكل علي كن معي و ما رح تخسر
استخرنا و قمنا بلي علينا سألنا عن هالشب و كل هالقصص
طلع هالزواج منيح الله انعم علينا و ما طلع منيح الله بحبنا و بده يبتلينا و يشوفنا ازا بنصبر ما قدرنا نصبر شرعلنا الطلاق(ابغض الحلال عند الله)
هلا الي بلجأ للزواج الي مش تقليدي(الشرعي) بكون ليه عم بعملو هيك مثلا ناخد البنت :
خايفة ما يطلع كويس و اتعرف عليه احسن لانه خايفة نطلق و بتعرفي كيف نظرة المجتمع الهم و و وفبكون عم برجع للتقليدي نظرة الناس شو بقولو و و و يعني رجع للهارب منه Smile
بالاخر هيه نقطة وحدة بتلخص انه الي همه رضى الله بختار الي برضيه والي لأ يجرب حظه بس انا اكيده انه رح اول على اخر لو مش بالدنيا
و كمان النظرة للزواج الشرعي(التقليدي ) انه صارت دقة قديمة و انه التطور و الانفتاح و زمان كانت تزبط كل هدول مخرجات الاستعمار الفكري على عقولنا
ولازم اعيدها
اللهم ارنا الحق حقا وارزقنا اتباعا و ارنا الباطل باطلا وارزقنا اجتنابا امين
avatar
hadeel kalbouneh
نشيط
نشيط

انثى عدد الرسائل : 263
العمر : 30
السٌّمعَة : 0
نقاط : 3440
تاريخ التسجيل : 19/06/2008

الرجوع الى أعلى الصفحة اذهب الى الأسفل

رد: التعارف قبل الزواج .. هل يسهم بنجاحه ؟

مُساهمة من طرف Hamzah Kamal في الأربعاء 23 يوليو 2008, 12:51 am

اول شي بشكر الكل على هادا النقاش اللي جد حلو
و انا شخصياً حكيتو للناس اللي بعرفهم
تانيا جد موضوعك حلو و موفقة بكتابك
هديل كلامك صحيح
بس انا بدي اقول شغلة
انا مش مع التنين ولا ضد التنين
انا يمكن إلى حدٍ ما اكون مايل لرأي تانيا شوي لكن كمان في اشياء بتخليني اميل لرأي هديل
بس بدي اقول شغلة
احنا ليه بنسميه زواج تقليدي؟؟؟؟؟؟؟؟؟؟؟؟؟
ليه فاهمين غلط؟؟؟ او ليه المسمى اللي بنستعملة غلط؟
هنقول المجتمع هيك؟
لأ خلينا نحنا نغير هادا المصطلح
و كمان بدي اقول شغلة لهديل و نور
بالنسبة لحالات الطلاق و نسبتها المرتفعة فهي مش عشان اللي بيتعرفو قبل الزواج
لأ
السبب الأساسي الإختيار الغلط بأي طريقة كانت سواء الطريقة الأولى او التانية
مهما كانت الطريقة فالإختيار الأحسن هو اساس نجاح كل شي و تفهم الطرفين لبعض

و تفهم الطرفين لبعض ما بيجي من شهر او شهرين او سنة
هادا بدو وقت
و ما اعتقد فترة الخطبة هتكفي للعترف على الشخص بشكل كافي لأنو فترة الخطبة ما بتكون طويلة بشكل كافي ليعرف كل واحد التاين بشكل منيح (خصوصاً انو مجتمعنا ما بحب هيك شغلة بدو بعد الخطيبة بالكتير بسنة "هادا ان كانت طويلة" فبدو اياهم يتجوزو)
انا ما بلغي دور الإستخارة
بس ليه ما نعملها بالحالة اللي بتحكي عليها تانيا؟
انو نكون عارفين الشخص التاني و نصلي استخارة انو نكمل معاه ولا لأ
يمكن تقولو انو كيف استخارة على شي محرم
بس في حديث عن الرسول عليه الصلاة و السلام بما مناه بقول "ليس للمتحابين إلا النكاح" يعني نفسة الرسول بيعترف انو في هيك شغلة و مع انو هي يمكن تكون غلط بس الرسول قدم الها حل
اللي هو الزواج و الي هو هدف الطرفين اللي فعلاً بحبو بعض و بعملو علاقة قبل الزواج مع بعض
في النهاية انا مش معارض لحد ولا موافق تماماً لحد بس يمكن عندي مسول شخصي لرأي من الأراء مع بعض التحفظات
و اسف على الإطالة
و اتمنى انو اكون وضحت وجهة نظري و قدت اوصللكم اياها بشكل واضح

_________________
إما ان تكون أو لا تكون...
إذاً أنت المسؤول...
avatar
Hamzah Kamal
كاتب وباحث في العلاقات الإنسانية
كاتب وباحث في العلاقات الإنسانية

ذكر عدد الرسائل : 470
الموقع : www.facebook.com/trainerhamzah
السٌّمعَة : 9
نقاط : 4708
تاريخ التسجيل : 05/04/2008

الرجوع الى أعلى الصفحة اذهب الى الأسفل

صفحة 1 من اصل 4 1, 2, 3, 4  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى